Sabirabadda QORXUNC qəzada ölən və xəsarət alanların əksəriyyəti məktəblilərdir (YENİLƏNİB)

Sabirabad rayonunda yük avtomobilinin avtobusla toqquşması nəticəsində ölən və xəsarət alanların adları məlum olub.

Ölən azyaşlının 2005-ci il təvəllüdlü Həsənov Vüsal Elman oğlu olduğu bildirilir.

Xəsarət alanlar 2005-ci il təvəllüdlü Həsənov Rəşad Elman oğlu, 2000-ci il təvəllüdlü Həziyeva Şəmsiyyə Qənimət qızı, 2007-ci il təvəllüdlü Ağayev Ağamirzə Mehman oğlu,

2004-cü il təvəllüdlü Əliyev Vüsal Murad oğlu, 1980-ci il təvəllüdlü Şirməmmədova Aybəniz Bəxtiyar qızı, 1999-cu il təvəllüdlü Həziyev İlham Rəhman oğlu, 2002-ci il təvəllüdlü Mirzəyev Rəhman Əziz oğlu, 1964-cü il təvəllüdlü Balakişiyev Vahid Bəxtiyar oğlu, 2005-ci il təvəllüdlü Mehdiyev Rüfət Samir oğludur.

Onlardan üç nəfərə ambulator yardım göstərilib, əksəriyyətinin vəziyyətinin ağır olduğu bildirilir.(apa)

***

Sabirabad rayon Mərkəzi Xəstəxanasından Publika.az-a bildirib ki, hadisə nəticəsində 9 nəfər xəstəxanaya yerləşdirilib: “Yaralılardan 3-ü Bakıya yola salınır. Onlar Azərbaycan Elmi Tədqiqat Travmatologiya və Ortopediya İnstitutuna yerləşdiriləcək. 1 nəfər üçün isə Bakıdan neyrocərrah dəvət olunub. Qalan xəstələrin isə vəziyyəti orta ağır dəyərləndirilir. Onların müalicəsi davam etdirilir”.

Hadisə nəticəsində bir uşaq dünyasını dəyişib. O, 2005-ci il təvəllüdlü Həsənov Vüsal Elman oğludur.

***

Sabirabadda yük avtomobili avtobusla toqquşub.

Hadisə səhər saatlarında Hacıqabul-Bəhrəmtəpə magistralında, Sabirabad rayonunun Bulaqlı kəndi ərazisində qeydə alınıb. Hadisə nəticəsində 8 nəfər xəsarət alıb, bir azyaşlı ölüb. Ölən və xəsarət alanların kimliyi dəqiqləşdirilir.

Faktla bağlı araşdırma aparılır. (apa)

Gülxar