• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Ceyhun Osmanlı haqda kim sənəd yayır? - Deputat ünvan göstərdi

  • Nida.az
  • 25 Fevral 2014 16:57
  • 3 951 Baxış
Ceyhun Osmanlı haqda kim sənəd yayır? - Deputat  ünvan göstərdi

Milli Məclisinin deputatı Ceyhun Osmanlı onun Türkiyədə camaatın lideri Fətullah gülənlər əlaqələri və F. Güləndən pul alması haqqında yazılanlara münasibət bildirib.

Millət vəkili Publika.Az -a açıqlamasında məktubun saxta olduğunu deyib: “Bu məktub saxtadır və onun saxta olduğunu sübut etmək üçün cəmi bir neçə faktı demək kifayətdir. Birincisi, türk dilini yaxşı bilən bir insan dərhal anlayır ki, məktub Azərbaycanda hazırlanıb, türk dilinin deyil, Azərbaycan dilinin qrammatik üslubunda yazılıb və türk dili qrammatikası baxımından bir türk heç vaxt belə bir məktub yaza bilməzdi. İkincisi, artıq məktubda adı keçən Enver Özerenin vəkili məktubun saxta olduğunu təsdiqləyib, eyni zamanda Fətullah Gülənin əsl imza nümunəsini tutuşdurmaq üçün təqdim edib və bununla da imzanın saxta olduğu təsdiqlənib”.

C. Osmanlı qeyd edib ki, zamanlama təsadüfən seçilməyib. Bildirib ki, bu yazı Xədicə İsmayılın Azərbaycan milli mənafeyi əleyhinə yönəlmiş audio yazısının onun tərəfimdən prokurorluğa təqdim edildikdən bir neçə gün sonra meydana gəldi. Bununla bağlı mülahizələrini irəli sürən C. Osmanlı bir neçə versiyadan çıxıb edib.

“Birincisi: Bu saxtakarlığın arxasında Xədicə İsmayıl və tərəfdarları dayana bilər. İkincisi: Bu saxtakarlığın arxasında mənim ölkədəki ictimai-siyasi fəaliyyətimə qısqanclıqla yanaşan başqa bir qrup dayana bilər. Belə olan halda onlar zamanlamanı düşünülmüş şəkildə belə bir dövrə salıblar.

Üçüncüsü: Bu saxtakarlığın arxasında mənim dünyadakı erməni yalanları əleyhinə fəaliyyətimdən dolayı mənə aqressiv mövqedə olan erməni diasporunun internetdə uzantıları olan insanlar tərəfindən həyata keçirilə bilər”-deyə millət vəkili bildirib.

C. Osmanlı haqqında məlumat yayan saytı məhkəməyə verəcəyini deyib: “Versiyaların nə olmasından asılı olmayaraq ortada bir cinayət var. Ona görə də bu gündən müvafiq qaydada bu məlumatı yayan politika.az saytının idarəçiləri barədə məhkəmə iddiasının qaldırılması barədə vəkillə əlaqə saxlanılıb. Qeyd edim ki, bu saxta sənəd naməlum qrup tərəfindən hazırlanaraq eyni vaxtda çox informasiya agentliyinə göndərilib və təbii ki, məlumatın qərəzliliyi o agentliklər tərəfindən aşkar edildiyi üçün onlar bunu yayımlamayıb. Amma bəziləri qanunun tələblərini pozmuşdur. Bununla bağlı da gərəkli hüquqi iddialar qaldırılacaq. Fürsətdən istifadə edərək belə qərəzli məsələlərdə peşəkarlığa riayət edən media mənsublarına dərin təşəkkürümü bildirirəm. O ki qaldı saxta sənədi hazırlayan və yayan qrupun aşkar olunmasına, bununla bağlı da ayrıca hüquq mühafizə orqanlarına müraciət ediləcək”.

Asif

Xəbər lenti

DAHA ÇOX XƏBƏR