• USD 1,7000 0,00% EUR 1,8782 -0,34%
    • GBP 2,2307 -0,05% RUB 0,0275 0,00%
election

Pentaqon Suriyada min hərbçi saxlayacaq? – RƏSMİ BƏYANAT

  • ABŞ
  • 18 Mart 2019 08:00
Pentaqon Suriyada min hərbçi saxlayacaq? – RƏSMİ BƏYANAT

ABŞ Silahlı Qüvvələrinin Baş Qərargahlar rəisi, general Cozef Danford Suriyada minə yaxın hərbçinin saxlanılması ilə bağlı Pentaqonun planları haqqında KİV-in xəbərlərini təkzib edib.

Publika.az “RİA-Novosti” agentliyinə istinadən xəbər verir ki, bu haqda Pentaqonun mətbuat xidmətinin yaydığı Danfordun bəyanatında deyilir.

“Fevral ayında elan edilmiş planda heç bir dəyişiklik olmayıb və biz Amerika qoşunlarının daimi dislokasiya yerlərinə çıxarılması haqqında prezidentin tapşırığını yerinə yetirməyə davam edirik”, - Danford qeyd edib.

General həmçinin bildirib ki, Pentaqon Türkiyə-Suriya sərhədi boyu Türkiyənin təhlükəsizlik problemlərinin həlli üçün bu ölkənin Baş qərargahı ilə ətraflı hərbi planlaşdırmanı həyata keçirməyə davam edir.

“Bizdə ilkin konsepsiya var. O yaxın günlərdə dəqiqləşdiriləcək”, - Danford əlavə edib.

Daha əvvəl “Wall Street Journal” mənbələrə istinadən xəbər verib ki, Birləşmiş Ştatlar Suriyada “Türkiyənin sərhədi keçmək və kürdlərə (PYD/YPG terror təşkilatı -red.) hücum təhdidlərinə baxmayaraq, kürd qüvvələri ilə işi davam etdirməyi planlaşdırır”. Qəzetin mənbələrindən aldığı məlumata görə, bu cür planlarla əlaqədar Suriya ərazisində təxminən min ABŞ əsgəri qala bilər.

Xəbər lenti

DAHA ÇOX XƏBƏR