ABŞ

Danford: Bu ölkələr kosmosda ABŞ üçün real təhlükədir

6 Sentyabr 2019 08:15

Rusiya ABŞ-ın kosmosdakı gücləri üçün real təhlükədir, Birləşmiş Ştatların ticarət və hərbi maraqları üçün təhlükə təşkil edir.

Publika.az “RİA-Novosti” agentliyinə istinadən xəbər verir ki, bu haqda beynəlxalq münasibətlər üzrə qeyri-hökumət Şurasında Amerika ordusunun qərargah müdirlərinin komitə sədri, general Cozef Danford bildirib.

“1990-cı illərdə bir biz kosmosda əhəmiyyətli gücləri yerləşdirəndə ona əsaslanırdıq ki, kosmosda rəqiblərimiz olmayacaq. Bu gün kosmosda rəqabət gedir”, - Danford deyib.

Onun sözlərinə görə, bu sahədə ABŞ-ın rəqiblərinin siyahısına Rusiya, Çin, həmçinin Koreya Xalq Demokratik Respublikası və İran daxildir.

“ABŞ-ın kosmosdakı vasitələri üçün ən real təhlükə mövcuddur. Bununla əlaqədar olaraq, kosmosdan qırılmaz surətdə bağlı olan ticarət və hərbi maraqlarımız üçün ən real təhlükə var”, - general yekunlaşdırıb.