ABŞ onu Türkiyəyə göndərir: 2254 saylı qərar GÜNDƏMDƏ

ABŞ-ın Suriya üzrə xüsusi nümayəndəsi və DEAŞ əleyhinə Koalisiyanın nümayəndəsi Ceyms Cefri 22-28 avqust tarixlərində Türkiyə və İsveçrəyə səfər edərək Suriyada və bölgədəki son hadisələri müzakirə edəcək.

Publika.az xəbər verir ki, ABŞ Dövlət Departamentinin mövzuyla bağlı yaydığı məlumatda Cefrinin Türkiyə və İsveçrəyə səfərlərini Departamentin Suriya üzrə xüsusi elçisini Co Rayburnun müşayiət edəcəyi söylənilir.

Məlumatda Cefri və nümayəndə heyətinin paytaxt Ankarada yüksək vəzifəli şəxslərlə görüşlərində terror təşkilatı, Suriya və bölgədəki ikitərəfli əməkdaşlığı müzakirə edəcəyi və 2254 saylı BMT Təhlükəsizlik Şurası (8 dekabr 2015-ci ildə yekdilliklə qəbul edilən Suriyada təcili atəşkəs təmin edilməsi və siyasi bir həll yolunun təmin edilməsinə dair çağırışı ilə əlaqədar) qərarının icrasına dair prosesi də gündəmə gətirəcəyi bildirilib.

Məlumatda Cefrinin İstanbulda bir araya gələcəyi suriyalı müxalifət qrupları və qeyri-hökumət təşkilatlarının üzvlərilə Suriyadakı son vəziyyəti habelə, ABŞ-ın Əsəd rejiminə qarşı iqtisadi və siyasi təzyiq siyasətinin də müzakirə ediləcəyi deyilib.

Bildirilib ki, Cefri İsveçrədə keçirəcəyi görüşlərdə isə Cenevrədə BMT-nin Suriya üzrə xüsusi elçisi Geir Pedersen ilə bir araya gələcək, Suriya Konstitusiya Komitəsinin 3-cü turunda iştirak edən liderlərlə görüş keçirəcək.