ABŞ

ABŞ-da gərginlik artır – Küçələr döyüş meydanına çevrildi

24 Avqust 2020 10:28

Mayın 25-də ABŞ-da qaradərili Corc Floydun polis tərəfindən öldürülməsilə başlayan etiraz aksiyalarının davam etdiyi bir vaxtda bu dəfə Luiziana ştatında polis Trayford Pellerini vuraraq öldürüb.

Publika.az-ın məlumatına görə, hadisənin videosu yayıldıqdan sonra Lafayette şəhərində etirazlar başlayıb. Polis kütləni dağıtmaq üçün tüstü bombalarından istifadə edir.

Amerika Vətəndaş Azadlıqları Birliyi (ACLU) polisin silahlı müdaxiləsini "qaradərili şəxsə qarşı dəhşətli, ölümcül polis zorakılığı" olaraq xarakterizə edib.

Trayfordun anası Mişel Pellerin bildirib ki, oğlu bir müddətdir sosial narahatlıq səbəbindən peşəkar yardım alıb və onun kütləvi yerlərdə təlaşlandığını, polislərdən qorxduğunu açıqlayıb.

Qeyd edək ki, Luiziana polisi 31 yaşlı Trayford Pellerinin əlində bıçaqla mağazaya girdiyi və təlaş yaratdığı üçün öldürüldüyünü açıqlayıb.

Akqabay