ABŞ

ABŞ-dan VACİB AÇIQLAMA: Türkiyənin adından danışmaq istəmirəm, amma...

24 İyun 2021 08:12

"ABŞ-ın Müdafiə və Xarici İşlər Nazirliklərinin rəsmi şəxslərindən formalaşdırılmış heyət Əfqanıstanın paytaxtı Kabildə olan Həmid Kərzai Beynəlxalq Hava Limanının təhlükəsizliyinin qorunması mövzusunda müzakirələr üçün Türkiyəyə səfər edəcək".

Publika.az Türkiyə mətbuatına istinadla xəbər verir ki, bu barədə ABŞ Müdafiə Nazirliyin sözçüsü Rob Lodevik açıqlama verib.

O, görüşün detalları ilə bağlı yalnız bunları deyib:

"Bu həftə bir toplantımız var. Düşünürəm anlaşmanın haradasa son parçaları qalıb. Türkiyənin adından danışmaq və yekun anlaşmanın nəticəsini öncədən vermək istəmirəm. Amma Hava limanın təhlükəsizliyinin təmin ediləcəyinə əminəm".

ABŞ Nümayəndələr Palatasının Silahlı Qüvvələr Komitəsində 2022-ci il üçün müdafiə büdcəsi ilə əlaqədar toplantıda açıqlama verən Baş Qərargah Rəisi General Mark Milley isə hələ ki, hər hansı bir yazılı anlaşmanın olmadığını deyib. O, mövzu ilə əlaqədar görüşlərin davam etdiyini vurğulayıb.

Hüseyn