ABŞ

Türk əsgərinə işgəncə verən ABŞ generalı öldü

10 Oktyabr 2021 10:55

İraqda türk əsgərinin başına çuval taxaraq işgəncə verən ABŞ komandanı, İraq müharibəsinin əsas simalarından olan Raymond Odierno 67 yaşında xərçəngdən ölüb.

Publika.az xəbər verir ki, Odierno 2003-cü ildə türk əsgərinin başına çuval keçirildiyi hərbi hissənin komandiri olaraq da ictimaiyyətdə tanınırdı.

O, Türkiyə ictimaiyyətində "çuvalçı general" kimi məşhur idi. İraqda 3 dəfə xidmət edən Odierno evlərin qapılarını sındıran, iraqlıları evlərindən çıxararaq onları küçələrdə sürüyən, sərt üsullara əl atan və saxlanılanları Əbu Qreyb həbsxanasına köçürən 4-cü Piyada Diviziyasına da komandanlıq edib. Həmin həbsxana 2003-cü ildə ABŞ-ın İraqa hücumundan sonra Amerika əsgərləri tərəfindən məhbuslara işgəncə verilməsi və təcavüz edilməsi ilə gündəmə gəlib.