Ruslar və iranlılar mənim saçlarımı ağartdı – ABŞ-ın baş kəşfiyyatçısı

ABŞ Mərkəzi Kəşfiyyat İdarəsinin (MKİ) direktoru Uilyam Börns ruslar və iranlılarla danışıqlardan sonra saçlarının ağardığını etiraf edib.

Publika.az xəbər verir ki, U.Börns bunu Aspen İnstitutunun illik təhlükəsizlik forumunda çərşənbə axşamı Tehranda Rusiya və İran liderinin görüşünün əhəmiyyəti ilə bağlı sualı cavablandırarkən deyib.

“Etiraf etməliyəm ki, Rusiya prezidenti Vladimir Putinlə İranın ali lideri (Əli Xamneyi) arasında görüşdən kadrlar məni nostalji hissi ilə doldurmur, çünki başımdakı ağ tüklərin çoxu bu illər ərzində ruslar və iranlılarla danışıqlardan qaynaqlanır”, - deyə cənab Börns bildirib.

“Əgər biz bu görüntülərdən kənara baxsaq, Rusiya və İranın indi bir-birinə ehtiyacı olduğunu görə bilərik. Hər iki ölkə ağır sanksiyalar altındadır, hər ikisinə siyasi təcriddən çıxmaq lazımdır. Ancaq bir-birinə ehtiyaclarının olması onların bir-birinə güvənməsi demək deyil. Çünki onlar həm enerji sahəsində rəqibdirlər, həm də tarixi rəqiblərdir”, - MKİ şefi əlavə edib.

Börns diplomatik karyerası ərzində ABŞ-ın Moskvadakı səfirliyində çalışıb, o cümlədən 2005-2008-ci illərdə ona rəhbərlik edib, həmçinin 2008-2014-cü illərdə İranla nüvə sazişi üzrə danışıqlarda iştirak edib.

Səxavət