ABŞ

Ermənilər xaricdəki soydaşlarımıza hücum edə bilər – İkinci Tovuz SSENARİSİ

16 Sentyabr 2022 12:44

Erməni diasporu xaricdə yaşayan soydaşlarımıza qarşı təxribatlar törədə bilər.

Publika.az xəbər verir ki, Ermənistanın sərhəddə törətdiyi təxribatlar nəticəsində baş verən son döyüşlərdən sonra xaricdəki erməni diasporu aktivləşib.

ABŞ-dakı erməni icması Nyu-Yorkda Azərbaycan və Türkiyənin BMT yanında daimi nümayənəliyinin önündə aksiya keçirib.

Ermənilər “Türkiyəni NATO-dan çıxarın”, “Şuşa Ermənistandır” kimi absurd şüarlar səsləndirib.

Məlumatlara görə, erməni diasporu Azərbaycan və Türkiyə diplomatik nümayəndəliklərinə qarşı etiraz aksiyalarını genişləndirmək fikrindədir.

2020-ci ildə baş verən Tovuz döyüşlərindən sonra da ABŞ və Avropa ölkələrindəki erməni diasporu Azərbaycan səfirliklərinə və soydaşlarımıza qarşı mənəvi və fiziki terror hücumları törətmişdi. Eyni təxribatların indi də baş verə biləcəyi istisna deyil.

Asif