ABŞ

Sallivandan Rusiyaya XƏBƏRDARLIQ: ABŞ bu zərbəyə dözməyəcək

16 Oktyabr 2022 20:31

ABŞ Rusiyanın Ukrayna ilə müharibəsində istənilən növ nüvə silahından istifadə etməsinə cavab olaraq heç bir fərq qoymayacaq.

Publika.az xəbər verir ki, bu barədə CNN telekanalında ABŞ prezidentinin milli təhlükəsizlik üzrə müşaviri Ceyk Sallivan məlumat verib.

Aparıcı Sullivandan soruşub ki, Ağ Ev Rusiyanın Ukraynada “taktiki” adlandırılan nüvə silahından istifadə etməsi kimi irimiqyaslı nüvə hücumunu eyniləşdirəcəkmi?

"Bu, Ukraynada döyüş meydanında nüvə silahından istifadə etməkdir", deyə Sullivan cavab verib.

O, ABŞ-ın "salami slicing" deyilən taktika ilə razılaşmayacağını bildirib

Sallivan onu da əlavə edib ki, nüvə silahının istifadəsində hər hansı fərqlərin olduğunu düşünməyi təhlükəli hesab edir.

"ABŞ Rusiya tərəfini bu münaqişədə nüvə silahından istifadə ideyasından imtina etməyə inandırmaq üçün NATO müttəfiqləri, tərəfdaşları və digər ölkələrlə, o cümlədən Çin və Hindistanla işləyir", - deyə ABŞ rəsmisi qeyd edib.

Hüseyn İbadlı