ABŞ

Putinin atəşkəs təklifinə Baydendən qeyri-adi reaksiya

6 Yanvar 2023 00:38

ABŞ prezidenti Co Bayden Rusiya prezidenti Vladimir Putinin Ukraynada xüsusi hərbi əməliyyat zonasında təklif etdiyi atəşkəs rejimini “bir az nəfəs almaq” cəhdi adlandırıb.

Publika.az TASS-a istinadən xəbər verir ki, yanvarın 5-də Rusiya prezidenti müdafiə idarəsinin naziri Sergey Şoyquya yanvarın 6-sı saat 12:00-dan yanvarın 7-si saat 24:00-dək xüsusi əməliyyat zonasında bütün qoşunların təmas xətti boyunca atəşkəs rejiminin tətbiqi barədə göstəriş verib.

“Düşünürəm ki, o, bir az nəfəs almağa çalışır”, - Amerika lideri jurnalistlərin atəşkəs əmri ilə bağlı suallarına cavab verərkən deyib.

Məlumat üçün bildirək ki, Ukrayna Milli Təhlükəsizlik və Müdafiə Şurasının katibi Oleksiy Danilov rəsmi Kiyevin Rusiyanın təklif etdiyi atəşkəs rejimini dəstəkləməyəcəyini bildirib.

Aytən Məftun