ABŞ

Məşhur maliyyəçi izah edir: ABŞ çökəcək, dolların taleyi necə olacaq?

14 Mart 2023 12:30

ABŞ-da iki böyük bankın - “Silicon Valley Bank” və “Signature Bank” – çökməsi dünyanın əsas gündəminə çevrilib və əsas sual belədir: bundan sonra necə olacaq?

Publika.az xəbər verir ki, ABŞ prezidenti Co Bayden hər şeyə “zəmanət” verir və ABŞ bank sisteminin “təhlükəsiz” olduğunu elan edir.

Mütəxəssislər isə belə düşünmürlər. ABŞ-da nüfuzlu maliyyəçi, maliyyə nazirinin keçmiş köməkçisi Pol Kreyq Roberts proseslərin bundan sonrakı inkişafını şərh edib.

“ABŞ bank sistemi Baydenin iddialarının əksinə olaraq, təhlükəsiz deyil. ABŞ-ın 5 ən böyük bankından ikisinin çökməsi ÜDM-nin itirilməsi riskini yaradır. Federal Ehtiyat Sistemi yüksək faiz dərəcəsini azaltmalı olacaq, çünki bu, böyük miqyasda çökməyə gətirib çıxarır. FES bankları xilas etmək üçün dolların dəyərini aşağı salır. Banklar da aktivlərini satmalı olacaqlar. Bu da qiymətli kağızların daha da ucuzlaşmasına səbəb olacaq”, - məşhur maliyyəçinin proqnozları belədir.

Asif