ABŞ

Çinə kredit verilməməsi üçün bu qanun qüvvəyə minə bilər

23 Mart 2023 17:11

Bir qrup ABŞ senatoru Dünya Bankı (DB) və Asiya İnkişaf Bankının (AİB) Çinə kredit verməsini qadağan edən qanun layihəsi təqdim ediblər.

Publika.az xəbər verir ki, bu barədə respublikaçı senator Con Barrasso məlumat verib.

“Bu bankların ən böyük donoru kimi ABŞ pul və resurslarımızın Çinə deyil, onlara ən çox ehtiyacı olan ölkələrə getməsini təmin etmək üçün məsuliyyət daşıyır. Bu qanun layihəsi Çinə kredit verilməsini dayandıracaq və çoxtərəfli inkişaf banklarını inkişaf məqsədlərinə yönəltməyə kömək edəcək”, - Barrasso bildirib.

Onun sözlərinə görə, 20-dən çox senator, o cümlədən Demokratlar Partiyasından biri tərəfindən dəstəklənən qanun layihəsi, Xəzinədarlıq Nazirindən sözügedən təşkilatlardakı ABŞ nümayəndələrinə “Çinə hər hansı bank krediti, müddətin uzadılması və ya texniki yardıma etiraz etmək” barədə göstəriş verməsini tələb edəcək.

Ayşən