ABŞ

İlon Mask ABŞ-da hər şeyi dəyişir: Görün öncə nədən başlayır

29 Noyabr 2024 15:48

ABŞ- ın 47-ci prezidenti seçilən Donald Tramp milyarder iş adamı İlon Maskın Hökumətin Səmərəliliyi Nazirliyinə rəhbərlik edəcəyini açıqlayıb.

Publika.az xəbər verir ki, Tramp dövründə ölkədə böyük dəyişikliklər etməsi gözlənilən Mask ilk planını “X” vasitəsilə açıqlayıb. Maskın yay vaxtına keçid planı böyük səs-küyə səbəb olub.

Mask sosial media hesabındakı paylaşımında yay vaxtının ləğv edilməsi lazım olduğunu bildirib. Mövzu ilə bağlı sorğuya cavab verən Mask “İctimaiyyət bu zəhlətökən zaman dəyişikliklərini aradan qaldırmaq istəyir!”,- deyib.

İş adamı Vivek Ramasvami Maskı dəstəkləyərək cavab verib: "Yay vaxtı səmərəsizdir və onu dəyişmək asandır".

Tramp administrasiyasının yay vaxtının ləğvi üçün dəyişikliyə dəstək olub-olmayacağı hələlik bəlli deyil.

Aysel Şahmar