ABŞ

ABŞ-ı "partlada" bilər: Amerika Maskın bu əməlindən şoka düşüb

25 Dekabr 2024 09:48

Amerikalı milyarder və iş adamı İlon Mask Milad ərəfəsində ABŞ Konqresini ölkənin büdcə layihəsinə yenidən baxmağa məcbur edir. O, "X" sosial şəbəkəsindəki səhifəsində bununla bağlı 150-dən çox mesaj yazaraq parlamentdə xaosa səbəb olub.

Publika.az bu barədə "Politico" jurnalına istinadən xəbər verir.

Sahibkarın əməlindən dəhşətə gələn jurnal mənzərəni belə ifadə edib: "Spiker Mayk Consondan məyusluq qaynayır, Respublikaçıların çirkin mübarizəsi ictimaiyyətin gözünə sıçrayır, Demokratlar qələbə qazandıqlarını iddia edir və yeni seçilmiş prezident Donald Tramp günahın bir hissəsini Co Baydenin üzərinə atmağa çalışır. Bütün bunlar Maskın sayəsində baş verib”.

Qeyd edilir ki, Maskın “tez hərəkət et və keç” yanaşması Vaşinqtonun riskdən çəkinmə siyasi mədəniyyətinə ziddir. Qəzet vurğulayır ki, dünyanın ən varlı adamının bu cür qəzəbləri Amerika hakimiyyətinin bütün düşünülmüş planlarını “partlada” bilər.

Adəm Abbaslı