Tramp Ukraynaya yardımı DAYANDIRDI

ABŞ prezidenti Donald Tramp andiçmə mərasiminin ilk günündə ABŞ-ın bütün xarici yardım proqramlarını 90 gün müddətinə dayandıran sərəncam imzalayıb.

Publika.az xəbər verir ki, bu barədə "Associated Press" məlumat yayıb.

Sərəncamın ilkin olaraq nə qədər yardıma təsir edəcəyi hələ aydın deyil, çünki bir çox proqramı maliyyələşdirmək üçün vəsait Konqres tərəfindən artıq təsdiqlənib və xərclənməlidir.

Sərəncamda qeyd edilir ki, “xarici yardım sənayesi və bürokratiya Amerikanın maraqları ilə uyğun gəlmir və bir çox hallarda Amerika dəyərlərinə ziddir” və “ölkələr daxilində və ölkələr arasında ahəngdar və sabit münasibətlərə birbaşa zidd olan ideyaları xarici ölkələrdə təbliğ etməklə sülhü pozmağa xidmət edir.

Bununla bağlı Tramp deyib ki, “Birləşmiş Ştatların bundan sonra heç bir xarici yardımı ABŞ prezidentinin xarici siyasətinə tam uyğun gəlməyən şəkildə bölüşdürülməyəcək”.

Trampın imzaladığı sərəncama əsasən, İdarəetmə və Büdcə İdarəsi ilə məsləhətləşərək belə qərarlar qəbul etmək Dövlət Katibi Marko Rubio və ya onun təyin etdiyi şəxsə həvalə edilib.

Ukraynaya milyardlarla silah satışı kimi qeyri-adi hallar istisna olmaqla, adətən federal büdcənin təxminən 1%-ni təşkil etsə də, Tramp uzun müddətdir xarici yardıma qarşı çıxıb. O, Rusiyanın hücumuna qarşı müdafiəsini gücləndirmək üçün Ukraynaya verilən məbləği tənqid edib.

Qeyd edək ki, Ukrayna Amerikadan ən çox yardım alan ölkələrdən biridir.

Akqabay