ABŞ-dan şok mesaj: Putin Trampı aldatmağa çalışsa...

ABŞ prezidenti Donald Tramp Rusiya lideri Vladimir Putini Ukrayna ilə atəşkəsə nail olmaq üçün danışıqlar masasına oturmağa razı salmaq niyyətindədir. Lakin Putin Trampı aldatmağa çalışsa, onun üçün pis nəticələr olacaq.

Publika.az xəbər verir ki, bunu "CBS News"a müsahibəsində respublikaçı senator Lindsi Qrem deyib.

Jurnalistlərdən birinin Trampın Rusiyaya qarşı əlavə sanksiyaları dəstəkləməyə hazır olub-olmaması ilə bağlı sualına Qrem cavab verib ki, prezident çox güman ki, onun xüsusi nümayəndəsi Stiv Vitkoffun rəhbərlik etdiyi danışıqların nəticələrini gözləyir.

“Tramp bu həftə Putinlə danışacaq. Problemi yaradan insanla danışmayana qədər həll edə bilməzsiniz. Və problem Putindədir. O, Ukraynaya və bütün regiona qarşı aqressiv siyasət aparır", - deyə senator bildirib.

Eyni zamanda, Qrem Trampın Rusiya liderini kompromislərə getməyə inandıra biləcəyinə ümid etdiyini bildirib.

“Ümid edirəm ki, Tramp Putinlə atəşkəs barədə danışıqlar apara və qan tökülməsini dayandırmaq üçün hər iki tərəf üçün faydalı olan həll yolu tapa bilər. Siz cəhd etməyincə heç vaxt bilməyəcəksiniz və planetdə bunu edə biləcək yalnız bir insan var: Donald Tramp. Putin Trampla oynamağa cəhd etsə, peşman olacaq", - deyə senator vurğulayıb.

Adəm