ABŞ

Liderlərin görüş saatı məlum oldu

15 Avqust 2025 08:36

Rusiya və ABŞ prezidentləri Vladimir Putin və Donald Trampın Ankoricdə görüşü cümə günü Bakı vaxtı ilə saat 23:00 - da başlayacaq.

Publika.az xəbər verir ki, bu məlumat Amerika liderinin Ağ Evin mətbuat xidməti tərəfindən yayılan cədvəlində yer alıb.

Cədvəldəc həmçinin qeyd edilib ki, Bakı vaxtı ilə saat 18:45-də Tramp Ağ Evdən Alyaskanın Ankoric şəhərinə yola düşəcək.

Qeyd edək ki, avqustun 15-də Alyaskada Rusiya-ABŞ sammiti keçiriləcək.

Tədbirdə Rusiya və ABŞ arasında iqtisadi əməkdaşlıq məsələlərinin müzakirə ediləcəyi gözlənilir. Bununla belə, görüşün əsas mövzusu Ukrayna böhranının həlli olacaq.

Prezidentlərin üzbəüz danışıqlara başlayacağı, daha sonra 5-ə 5 formatında davam edəcəyi gözlənilir. Əsas mövzular arasında Ukrayna münaqişəsinin həlli, iqtisadi əməkdaşlıq və strateji sabitlik olacaq.

Alyaskadan əvvəl Putin Maqadana gedib, orada bir sıra işgüzar görüşlər keçirməli və sosial əhəmiyyətli saytları ziyarət etməli idi.

Hüseyn İbadlı