ABŞ

Tramp Putinlə görüşə bir neçə saat qalmış Rusiyanı hədələdi

15 Avqust 2025 17:14

ABŞ prezidenti Donald Tramp Alyaska sammitinin Ukrayna məsələsində irəliləyiş əldə etməyəcəyi təqdirdə Rusiyanı ağır iqtisadi nəticələrlə hədələyib.

Publika.az xəbər verir ki, Ankoric sammitinə getməzdən əvvəl Tramp diqqətini ölkəsinin problemlərinə yönəltmək istədiyini, lakin “həyatları xilas etmək üçün” Ukrayna münaqişəsinin həllində iştirak etdiyini söyləyib.

"Mən ümid edirəm ki, Rusiya prezidenti Vladimir Putinlə görüşümüzdən nəsə çıxacaq”, - Tramp bildirib.

Ağ Ev rəhbərinin sözlərinə görə, o, Ukrayna istiqamətində irəliləyiş əldə olunarsa, Putinlə biznes məsələlərini müzakirə etməyə hazır olduğunu açıqlayıb. O, ABŞ-ın iqtisadi potensialında Rusiya tərəfdən maraq gördüyünü vurğulayıb.

"Biz ərazilərin dəyişdirilməsi məsələsini müzakirə edəcəyik. Amma mən yekun qərarı Ukraynaya verəcəyəm, düşünürəm ki, onlar düzgün qərar verəcəklər", - dövlət başçısı mümkün söhbət mövzuları barədə deyib.

Akqabay