"Bayden 350 milyard dolları konfet kimi payladı"

"ABŞ artıq Ukrayna konfliktinə maliyyə baxımından qarışmır, keçmiş ABŞ prezidenti Co Bayden isə pulları konfet kimi paylayırdı".

Publika.az xəbər verir ki, bunu ABŞ-ın hazırkı prezidenti Donald Tramp Nazirlər Kabinetinin iclasında bildirib.

“Biz artıq bu konfliktə maliyyə baxımından qarışmırıq. Bayden 350 milyard dolları elə payladı, sanki bu, konfet idi,” - deyə Tramp bildirib.

Prezident vurğulayıb ki, Ukraynaya nəhəng məbləğdə vəsait ayrılıb və onun böyük hissəsi nağd şəkildə göndərilib. Vəsaitin bir hissəsi isə Kievə göndərilən texnika almağa sərf olunub.

Tramp həmçinin bildirib ki, ABŞ-ı Moskva görüşlərində xüsusi nümayəndə Stiv Uitkoff və iş adamı Cared Kuşner təmsil edir və onlar Ukraynada vəziyyətin sülh yolu ilə həllinin mümkün olub-olmadığını araşdırırlar.

Danışıqlar artıq başlayıb. Görüşdən bir qədər əvvəl Rusiya prezidentinin mətbuat katibi Dmitri Peskov bildirib ki, Moskva sülh yolu ilə tənzimləməni müzakirəyə açıqdır, lakin müəyyən edilmiş hərbi məqsədlərə çatmalıdır.

Hüseyn İbadlı