ABŞ

Trampdan sərt xəbərdarlıq: Keçdikləri anda vuracağıq

3 Dekabr 2025 13:06

ABŞ prezidenti Donald Tramp administrasiyanın Latın Amerikasını quru yolu ilə keçən narkotik tacirlərinə “çox tezliklə” zərbə endirə biləcəyini bildirib.

Publika.az “CBS News”ə istinadən xəbər verir ki, Tramp bu barədə kabinet iclasında jurnalistlərə açıqlamasında deyib.

“Biz qurudan da zərbə endirməyə başlayacağıq. Bu, quruda daha asandır. Onların marşrutlarını bilirik, harada yaşadıqlarını bilirik. Pis insanların harada olduğunu bilirik və bunu çox yaxında həyata keçirəcəyik”, - Ağ Ev rəhbəri qeyd edib.

Tramp yerüstü əməliyyatların vaxtı və yerini dəqiqləşdirməyib, lakin bildirib ki, zərbələr yalnız Venesuelaya məhdudlaşmayacaq. O, qeyri-qanuni narkotik istehsalı və daşınmasında rol oynayan hər bir ölkənin hədəf altında olduğunu, o cümlədən ABŞ-ın narkotik ticarətinə nəzarət etməməkdə ittiham etdiyi qonşu Kolumbiyanı da qeyd edib.

Xatırladaq ki, ABŞ ordusu Karib hövzəsində mövcudluğunu artırır.

Adəm