Melaniya Trampa və İlon Maska ŞOK - ABŞ vətəndaşlığını itirə bilərlər

ABŞ Konqresində Ohayo ştatından respublikaçı senator Bernie Moreno ikili vətəndaşlığın qadağan edilməsini nəzərdə tutan qanun layihəsi irəli sürüb.

Publika.az xəbər verir ki, "Newsweek" jurnalının yaydığı məlumata görə, Morenonun qanun layihəsi qəbul edilərsə, bu, amerikalı məşhurlara təsirsiz ötüşməyəcək.

Öz təşəbbüsünə şərh verən Moreno bildirib ki, ABŞ vətəndaşı olmaq "şərəf və imtiyazdır", ona görə də kimsə amerikalı olmaq istəyirsə, "ya hər şey, ya da heç nə" prinsipinə əməl etməlidir.

Məqalədə deyilir ki, qanun qüvvəyə minərsə, həm ABŞ-ın birinci xanımı Melaniya Trampın, həm də onun oğlu Berronun Sloveniya vətəndaşlığından imtina etmək üçün bir il vaxtı olacaq.

Tramp ailəsindən əlavə, məhdudlaşdırıcı tədbirlər Kanadada vətəndaşlığı olan amerikalı sahibkar İlon Maska da təsir göstərəcək.

Həmçinin Tom Hanks, Mila Kunis, Pamela Anderson və digər ikili vətəndaşlığa sahib məşhurlar da çətin vəziyyətlə üzləşəcəklər.

Qeyd edək ki, bəhs edilənn qanun layihəsi artıq Senatın komitə mərhələsinə göndərilib.

Ləman