Bu gün dünya güc və qüdrətlə idarə olunur - Trampın müşavirindən etiraf

Donald Tramp administrasiyası dövründə ABŞ supergüc kimi çıxış etmək və Qərb yarımkürəsindəki maraqlarını nəyin bahasına olursa-olsun müdafiə etmək niyyətindədir.

Publika.az CNN-ə istinadən xəbər verir ki, bunu ABŞ prezidentinin daxili təhlükəsizlik üzrə müşaviri Stiven Miller bildirib.

O, beynəlxalq münasibətlərin beynəlxalq ləyaqətlə deyil, güc və qüdrətlə müəyyən olunduğunu iddia edib.

Miller deyib ki, azad dünyanın gələcəyi ABŞ-ın öz maraqlarını müdafiə etmək qabiliyyətindən asılıdır. Onun fikrincə, İkinci Dünya müharibəsindən sonra Qərb üzr istəməyə, yalvarmağa və kütləvi təzminat sxemlərinə əl atmağa başlayıb.

Bildirilir ki, Millerin açıqlamaları yeni ABŞ Milli Təhlükəsizlik Strategiyasının dərc olunması fonunda ortaya çıxıb. Dövlət Departamenti əvvəllər Qərb yarımkürəsini özününkü və ABŞ üçün həyati əhəmiyyətli zona adlandırmışdı və Tramp bu bölgənin Amerikaya doğma olduğunu vurğulamışdı.

Xatırladaq ki, bu cür ritorika Tramp administrasiyasının ABŞ maraqlarını güc yolu ilə aqressiv şəkildə həyata keçirməsini əks etdirir. Bu isə Venesuelada Nikolas Maduronu devirmək üçün həyata keçirilən əməliyyatda nümayiş etdirilib.

Adəm