ABŞ şokda: Epşteyn sağdır, bu şəhərdə göründü - FOTO

Floridalı bir kişi maliyyəçi Ceffri Epşteynə heyrətamiz bənzərliyi səbəbindən internetdə məşhurlaşıb.

Publika.az xəbər verir ki, maliyyəçinin oxşarının fotosu "New York Post" qəzetində dərc edilib.

Yoldan keçən bir nəfər kabrioletlə magistral yolda hərəkət edərkən Epşteynin oxşarını görüb və lentə alıb.

Videonun yaradıcısı kameranın arxasında qışqırıb: "Epşteyn sağdır! Epşteyn sağdır!" Klip tez bir zamanda sosial mediada yayılıb.

Epsteynə bənzədiyi deyilən şəxs oxşarlığını izah etməyə məcbur olub. O, sosial mediada açıqlama yayaraq, cinayətləri ilə tanınan maliyyəçi ilə heç bir əlaqəsi olmadığını iddia edib.

O, videosunda "Mən Ceffri Epşteyn deyiləm, Pal Biçdən olan Pitəm!" deyə bildirib.

Onunsosial mediada paylaşdığı cavab videosu bir milyondan çox bəyənmə toplayıb.

Ceffri Epşteyn yetkinlik yaşına çatmayanları cinsi istismar edən cinayətkar şəbəkəni idarə etməkdə şübhəli bilinirdi. Onun keçmiş prezidentlər, siyasətçilər və milyarderlər də daxil olmaqla yüksək vəzifəli şəxslərlə əlaqələri var idi.

Tural