Trampdan dərman idxalı ilə bağlı SƏRT QƏRAR - İstehsalçıların 2 çıxış yolu var

ABŞ Prezidenti Donald Tramp istehsalçılar qiymətləri aşağı salmağa və ya istehsalı ABŞ-a köçürməyə razı olmadıqları təqdirdə, ölkəyə gətirilən bir sıra əczaçılıq preparatlarına 100% məbləğində rüsumların tətbiq edilməsi barədə göstəriş verib.

Publika.az xəbər verir ki, bu barədə Ağ Evin mətbuat xidməti məlumat yayıb.

Tramp "milli təhlükəsizliyi və ABŞ-ın səhiyyə sistemini gücləndirmək məqsədilə patentləşdirilmiş əczaçılıq məhsullarına və onların inqrediyentlərinə rüsumların tətbiq edilməsini" əmr edib. 100% məbləğində tariflər "böyük şirkətlər üçün 120 gündən, kiçik şirkətlər üçün isə 180 gündən sonra" qüvvəyə minəcək.

Bundan əvvəl Böyük Britaniya dünyada ilk olaraq əczaçılıq məhsullarına tətbiq edilən Amerika rüsumlarından azad olunmağa nail olub.

Ötən ilin aprelində Tramp 185 ölkə və ərazidən gələn mallara gömrük rüsumlarının tətbiq edildiyini elan etmiş, sonradan müxtəlif dövlətlərdən edilən idxal tariflərini dəfələrlə dəyişmişdi. Lakin avqustun 29-da Kolumbiya dairəsinin Apellyasiya Məhkəməsi dövlət başçısının bu rüsumların bir çoxunu tətbiq edərkən səlahiyyətlərini aşdığı barədə qərar çıxarıb. Amerika administrasiyası sentyabrın 4-də həmin qərardan şikayət edərək Ali Məhkəməyə müraciət ünvanlayıb.

Hüseyn İbadlı