Trampın komandasında "İran çatı": Vens qiyam qaldırdı - Gizli detallar üzə çıxdı

Tramp administrasiyasında İranla bağlı ciddi fikir ayrılığı yaranıb. Vitse-prezident Cey Di Vens Tehrana qarşı hərbi əməliyyatların ən böyük əleyhdarı kimi çıxış edir.

Publika.az xəbər verir ki, bu barədə "Time" jurnalı Trampa yaxın mənbələrə istinadən məlumat yayıb.

Mənbələrin bildirdiyinə görə, Vens hərbi əməliyyatın keçirilməsinə kəskin etiraz edib. Hətta Donald Trampın özü də yaxın ətrafı ilə söhbətində bu məqama toxunaraq, "Vensin bu planlardan heç xoşum gəlmir, lakin qərar artıq verilib" deyə qeyd edib.

Almaniyanın "Bild" nəşri isə Trampın komandasında yaranmış "parçalanma" haqqında yazıb. Məlumata görə, hazırda administrasiyada iki düşərgə formalaşıb.

"The Atlantic" nəşri isə qeyd edir ki, Marko Rubio aktiv hərbi hərəkətlərin tərəfdarı olduğu halda, Vens kampaniyaya qarşı çıxıb. Vitse-prezident sonda administrasiyanın rəsmi mövqeyinə tabe olsa da, şəxsi söhbətlərində hələ də öz fikrini müdafiə edir. Tramp isə Rubionu "dəqiq zərbələrinə" görə tərifləyib, Vensin isə bu məsələyə "daha az entuziazmla" yanaşdığını etiraf edib.

Müəllif: Adəm