ABŞ

Bayden universitet rəhbərini Obama sandı: Barak, bura gəl!

15 Aprel 2026 16:52

ABŞ-ın keçmiş prezidenti Co Bayden növbəti səhvi ilə sosial medianın ulduzuna çevrilib.

Publika.az xəbər verir ki, aprelin 14-də Sirakuza Universitetində öz portretinin açılış mərasiminə qatılan 83 yaşlı eks-prezident, səhnədə çıxış edərkən maraqlı anlar yaşadıb. O, zalda əyləşən uca boylu qaradərili şəxsə tərəf dönərək: "Barak? Nə edirsən orada? Bura gəl", - deyə yanına çağırıb.

Lakin Baydenin Obama sanıb səhnəyə dəvət etdiyi şəxs əslində universitetin Qəyyumlar Şurasının sədri Ceff Skraqqs olub. Səhvini anlayan Bayden vəziyyətdən zarafatla çıxmağa çalışıb: "Mənə elə gəlir ki, o, sağda, mən isə solda dayanmalıyam. Sizcə də Barak Obamaya bənzəmir?"

Bu sözlərdən sonra zalda böyük gülüş qopsa da, sosial şəbəkələrin respublikaçı istifadəçiləri Baydeni sərt tənqid edərək, onun yaşını və "bütün qaradərililəri bir-birinə bənzətməsini" lağ obyektinə çeviriblər.

Müəllif: Adəm