Elzanı başa düşmürlər, gözəl yazır – Əli Mirəliyev

“Elza Seyidcahah həm gözəl şair, həm də gözəl bəstəkardır. Onun öz üslubu var. Mən onun yazdığı mahnıları da, şeirləri də çox bəyənirəm. Gözəl yazır, amma təəssüf ki, bu gün çoxları onu başa düşmür”.

Bunu Publika.az-a açıqlamasında Azərbaycan şou-biznesinin tanınmış nümayəndəsi, müğənni Əli Mirəliyev Əməkdar artist Elza Seyidcahanın Azərbaycan Yazıçılar Birliyinə (AYB) üzv olacağı ilə bağlı fikirlərinə münasibət bildirərkən deyib.

Əli Mirəliyev söyləyib ki, Elza Seyidcahanın qədrini sonralar biləcəklər: “Vaxtilə Mirzə Ələkbər Sabiri, Seyid Əzimi də bəynmirdilər, qəbul etmirdilər. Amma xalq onları sonradan başa düşdü, qəbul etməyə başladı. Elza xanım da elə olacaq, onun yazdıqlarını sonradan sevəcəklər. Mən onun bəzi şeirlərini çox sevirəm. Çünki açıq formada yazır. Bəstəkar kimi də çox gözəl mahnıların müəllifidir. Gözəl səsi var, həm yazır, həm oxuyur. Bizdə onun kimi Tamilla Məmmədzadə var idi, bəstələyirdi, oxuyurdu. İkisinin də dəst-xətti bir-birinə oxşayır. Yenə deyirəm, Elzanı başa düşən azdır”.

Tural Turan