İngiltərədə ikinci KİMYƏVİ ZƏHƏRLƏNMƏ - Vəziyyətləri ağırdır - (YENİLƏNDİ)

Böyük Britaniyanın Eymsberi şəhərində naməlum maddədən zəhərlənən 2 nəfərin vəziyyəti ağırdır. Bu barədə yerli polis rəsmisi məlumat verib.

“Mənşəyi bilinməyən maddədən zəhərlənən iki Eymsberi şəhər sakini, 44 yaşlı qadın və 45 yaşlı kişinin müalicəsi davam etdirilir. Onların vəziyyəti ağır olaraq qalır”, məlumatda deyilir.

***

İngiltərənin Amesburi qəsəbəsində kimyəvi zəhərlənmə faktı qeydə alınıb.

Publika.az xəbər verir ki, 40-45 yaşlarında bir kişi və bir qadın cümə günü hüşsuz halda yaşadıqları evdə tapılıb.

İlkin ehtimallara görə, cütlük narkotik maddədən istifadə edib. Lakin daha sonra onların dəqiq olaraq hansı maddədən zəhərləndikləri təsbit edilməyib.

Qeyd edək ki, bu ilin mart ayında Amesburi qəsəbəsindən 11 km aralıda yerləşən Salisburi şəhərində rusiyalı agent Sergey Skirpal və qızı kimyəvi zəhərlənməyə məruz qalmışdı. Hadisənin sui-qəsd olduğu ortaya çıxmışdı. İngiltərə bu hadisədə rəsmi Moskvanı ittiham etmişdi. Sui-qəsd iki ölkə arasında siyasi böhrana səbəb olmuşdu.

Zümrüd