Apokalipsisə HAZIRLIQ? - Rusiya ilə müharibə SƏHNƏLƏŞDİRİLİR

Böyük Britaniya Rusiya da daxil olmaqla, daha güclü silahlı qüvvələrlə ölkələrlə döyüşlərə hazırlaşmaq üçün Omanda hərbi təlimlər keçirir.

Publika.az xəbər verir ki, bu haqda “Times” nəşri bildirib.

Qəzetin məlumatına görə, “Saif Sareea 3” təlimləri son 17 ilin ən böyük hərbi təlimləridir. Bir ay davam edəcək təlimlər Londona yüz milyon funt-sterlinqə başa gələcək. Təlimlərdə hər birinin dəyəri minlərlə funt-sterlinq olan pilotsuz təyyarələr ilk dəfə sınaqdan keçiriləcək.

Təlimlərdə həmçinin 5,5 min hərbi qulluqçu, zirehli texnikanın 200 vahidi, 6 hərbi gəmi və 8 “Typhoon” qırıcısı iştirak edir. Bundan başqa, ərazinin minalanmış obyektlərdən təmizləməsi üçün nəzərdə tutulmuş zirehli yedəkçələr sınaqdan keçiriləcək.

“Biz özümüzü ən yaxşı təchiz edilmiş, ən yaxşı hazrılanmış və bizim üçün ən ciddi çağırışlar yaradan ölkələrlə müqayisə etməyə çalışırıq”, - nəşr təlimlərin gedişatında quru güclərinə komandanlıq edən Zak Stenninqdən sitat gətirib.

Xatırladaq ki, daha əvvəl “The Sunday Times” nəşri bildirib ki, Böyük Britaniyanın hərbi komandanlığı Rusiyaya qarşı kiberhücumu həyata keçirməyə və Moskvanı elektrik enerjisiz qoymağa hazırdır. Nəşr krallığın təhlükəsizlik xidmətlərində çalışan yüksək vəzifəli mənbəyə istinadən edib.

Onun sözlərinə görə, belə ssenari qərb ölkələrindən birinə hücum halında həyata keçiriləcək.

Ömər Dağlı