Yunan nazirdən Türkiyəyə TƏHDİD: Razılaşmasaq...

“Türkiyə ilə razılaşmasaq, Beynəlxalq Məhkəməyə müraciət etmək məcburiyyətində qalacağıq”.

Publika.az xəbər verir ki, bu sözləri Türkiyənin Şərqi Aralıq dənizindəki varlığından narahat olduqlarını bir daha ifadə edən Yunanıstanın Xarici İşlər naziri Nikos Dendias deyib.

Dendias növbəti həftə Türkiyə ilə birlikdə başçılıq edəcəyi araşdırma görüşmələrinə müsbət yanaşdıqlarını dilə gətirərək Türkiyənin eyni yanaşma ilə gələcəyinə ümid etdiklərini söyləyib.

“Tək əminlik Afinanın müsbət münasibətidir və ümid edirəm ki, Türkiyə tərəfi də bu danışıqlarda eyni ruhda iştirak edəcək. Açıq demək istəyirəm, Egeydə və Şərqi Aralıq dənizində müstəsna iqtisadi bölgə və kontinental şelf məsələləri beynəlxalq qanunlar əsasında məhdudlaşdırılmalıdır”, - yunan nazir qeyd edib.

N.Dendias hər iki tərəfin ilkin danışıqlardan sonra razılığa gələ bilməyəcəyi təqdirdə məsələni Haaqa Beynəlxalq Məhkəməsinə təqdim etmək üçün mətn üzərində razılaşmalı olduqlarını vurğulayıb.

Akqabay