Avropa

Türkiyəyə qarşı daha bir HƏMLƏ: Britaniya “Kraliça Elizabet”i göndərir

6 Fevral 2021 13:34

Yunanıstanla Türkiyə arasında Şərqi Aralıq dənizində gərginlik davam edərkən Fransanın bölgəyə təyyarə gəmisi göndərməsi Britaniyanı da hərəkətə keçirib.

Publika.az xəbər verir ki, Birləşmiş Krallığın da bölgəyə təyyarə gəmisi göndərəcəyi bildirilir.

“Kathimerini” qəzetinin xəbərinə görə, krallığın “Kraliça Elizabet” təyyarə gəmisi Yunanıstanın müstəqilliyinin 200-cü ili münasibətilə təşkil ediləcək tədbirlərdə iştirak üçün iyun ayında Krit adasındakı Suda bazasında olacaq və Şərqi Aralıq dənizində gerçəkləşdiriləcək təlimlərə qatılacaq.

Qəzet Yunanıstana sürətli döyüş gəmiləri satmaq istəyən İngiltərənin illər sonra ilk dəfə “Kraliça Elizabet”i dənizə göndərməsinə diqqət çəkib.

Zümrüd