Aİ-dən Ukraynanın keçmiş prezidentinə SANKSİYA

Avropa İttifaqı Ukraynanın rusiyayönlü keçmiş prezident Viktor Yanukoviçə qarşı sanksiyalar tətbiq edəcəyini açıqlayıb.

Publika.az xəbər verir ki, yeni sanksiya siyahısında eks-prezident Viktor Yanukoviçin oğlu Aleksandr Yanukoviç də var.

Bildirilib ki, Yanukoviç və oğlu Ukraynanın ərazi bütövlüyü, suverenliyi və müstəqilliyi, dövlətin sabitliyi və təhlükəsizliyinin təhdid edilməsində rol oynayıb.

Eks-prezident Yanukoviçin oğlunun Ukraynanın şərqindəki Donbas bölgəsində rusiyayönlü separatçılarla əməkdaşlıq etdiyi də vurğulanıb.

Rusiyanın Ukraynaya hücumundan sonra AB-nin tətbiq etdiyi sanksiya siyahısında çoxlu sayda şəxs və təşkilat var. Fiziki şəxslərə qarşı tətbiq edilən sanksiyalara səyahət qadağaları və aktivlərin dondurulması daxildir.
Xatırladaq ki, Viktor Yanukoviç 2013-cü ilin noyabrında ölkəsinin Aİ-nin Birgə Sazişi üzrə danışıqlarını dayandırıb. Bundan sonra Kiyevin Müstəqillik Meydanında Aİ tərəfdarı etirazlar başlayıb.

Təhlükəsizlik qüvvələrinin nümayişlərə müdaxiləsi nəticəsində 106 nəfər həyatını itirib. Etirazlar artdıqdan sonra Yanukoviç 2014-cü il fevralın 22-də Rusiyaya qaçıb.

Tural Turan