Merkelin adı qalmaqallı sənədlərdə - Simvol kimi təsvir olunur

Almaniyanın keçmiş kansleri Angela Merkelin adı ABŞ Ədliyyə Nazirliyi tərəfindən məşhur maliyyəçi Ceffri Epşteynin işi ilə bağlı məxfilikdən çıxarılan sənədlərdə tapılıb.

Publika.az xəbər verir ki, bu barədə Almaniyanın "Merkur" nəşri məlumat yayıb.

Qeyd edilib ki, Merkel çoxsaylı hesabatlarda o, "nifrət edilən qlobalist Avropa Birliyinin simvolu" kimi təsvir olunur.

Məlum olub ki, Epşteynlə Avropanın sağçı partiyalarından bəhs edən yazışmaları ABŞ Prezidenti Donald Trampın keçmiş müşaviri Stiv Bennon aparıb. Xüsusilə, o, Almaniya üçün Alternativ (AfD) partiyasının nümayəndələri, İtaliya Baş nazirinin müavini, Liqa partiyasının lideri Matteo Salvini və Macarıstanın Baş naziri Viktor Orban ilə əlaqələri ilə öyünüb.

Angela Merkeldən əlavə, Ceffri Epşteyn işi ilə bağlı sənədlərdə Ukrayna və Fransa Prezidentləri Volodimir Zelenski və Emmanuel Makron da daxil olmaqla onlarla Qərb siyasətçisinin adı çəkilir. Ümumilikdə, 2000-dən çox video və 180.000 şəkil də daxil olmaqla 3 milyondan çox fayl yayımlanıb.

Hüseyn İbadlı