Putin Polşa və Litva ilə sərhədə gedir
Bizi izləyin
Kanon

Avropa

Putin Polşa və Litva ilə sərhədə gedir

Rusiya Prezidenti Vladimir Putin sentyabrın 1-də Kalininqrada səfər edəcək.

Publika.az xəbər verir ki, bu barədə Kremlin sözçüsü Dmitri Peskov bildirib.

Onun sözlərinə görə, Putinin Kalininqrada səfəri Bilik Gününə təsadüf edəcək. Mətbuat katibi onu da qeyd edib ki, dövlət başçısı bu həftənin ortalarında Nazirlər Kabinetində müşavirə keçirəcək.

“Həftənin ikinci yarısında prezident Kalininqradda olacaq. Biz sizi məlumatlandıracağıq”, - Kreml sözçüsü bildirib.

Peskov onu da bildirib ki, artıq Rusiya hökumətinin üzvləri ilə görüşə hazırlıq gedir.

Qeyd edək ki, ərazisi 15 min kv.km olan Kalininqrad vilayəti Rusiyanın Mərkəzi Avropada yerləşən yarımeksklavıdır. Kalininqrad Polşa və Litva ilə həmsərhəddir. Kalininqradın Rusiyanın digər heç bir regionu ilə quru sərhədi yoxdur, onunla yalnız dəniz yolu (Baltik dənizi) ilə bağlıdır.

Səxavət

Teqlər
Oxumağa davam et
Reklam
Reklam

Gündəm

Kanon