Biz bunu bilərək etdik - Miçotakis

Yunanıstanın baş naziri Kiryakos Miçotakis Avropa ölkələrinin Rusiyaya qarşı sanksiyaların tətbiqinin iqtisadiyyatları üçün mənfi nəticələrindən xəbərdar olduqlarını, lakin mövqelərini dəyişmək niyyətində olmadıqlarını bildirib.

Publika.az xəbər verir ki, bu barədə o, Salonikidə keçirdiyi mətbuat konfransında bildirib.

Miçotakis anti-Rusiya sanksiyalarının təsiri ilə bağlı suala cavabında deyib ki, siyasətçilər əvvəldən onların Avropa ölkələrinin iqtisadiyyatı üçün nəticələrindən xəbərdar idilər.

Onun fikrincə, Rusiya Federasiyasına qarşı tətbiq edilən sanksiyalar indiyə qədər qəbul edilmiş ən ciddi sanksiyalara çevrilib.

“Biz bilirdik ki, eyni zamanda cəmiyyətlərimizi mürəkkəb bir prosesə məruz qoyuruq. Ancaq xəbərdarlıq etdik ki, bu bizim seçimimizin qiymətidir”, - baş nazir bildirib.

Onun sözlərinə görə, Rusiyaya qarşı sanksiyalar onun “qazdan silah kimi istifadə edə biləcəyini” dərk etməsi ilə bağlıdır. Ona görə də Avropa ölkələri tezliklə Rusiya qazından asılılıqdan qurtulmağın vacibliyini bəyan ediblər.

Yunanıstanın baş naziri əlavə edib ki, bu prosesi artıq geri qaytarmaq olmaz və o, belə imkanlar görmür.

Akqabay