Timoşenkodan SƏRT CAVAB: "Rusiya kapitulyasiyaya hazırlaşmalıdır"

"Sülh danışıqları ruslara öz ordusunun təslim olması (kapitulyasiya) və Putin rejiminin ölümü kimi görünəcək".

Publika.az xəbər verir ki, bunu "Batkivşina" partiyasının lideri Yuliya Timoşenkoya Rusiya Federasiya şurasının rəhbəri Valentina Matvienkonun Ukrayna və Rusiya parlamentariləri arasında danışıqların zəruriliyi ilə bağlı təklifini şərh edərkən bildirib.

"Mən ona bir deputat kimi parlamentariyə, qadın kimi qadına, ukraynalı kimi keçmiş ukraynalı qadına demək istəyirəm - sülh danışıqları onlara təslim olmaq kimi görünəcək. Və yalnız bütün ərazilərimiz geri qaytarıldıqda", - Timoşenko deyib. .

O, həmçinin əlavə edib ki, ukraynalılara milli maraqların təslim olması bahasına sülh danışıqlarını təklif edənlərin hamısına bir cavab var.

Timoşenko rusiyalı siyasətçinin sülh danışıqları ilə bağlı təklifini rüsvayçılıq adlandırıb, çünki bu təşəbbüsün elan olunduğu anda rus qoşunları Matvienkonun vətəni olan Xmelnitski rayonu Şepetivkaya raket zərbəsi endirib.

"Əlbəttə, bu bəyanatların heç bir dəyəri yoxdur, amma bilmək vacibdir - onlar artıq bütün səviyyələrdə sülh danışıqları üçün yalvarırlar. Bu o deməkdir ki, onlar biabırçı, alçaldıcı və çox tez itirdiklərini, Ukraynanın sürətlə öz ərazilərini geri aldığını başa düşürlər. Və əminəm ki, qələbə artıq astanadadır”, - deyə Timoşenko yekunlaşdırıb.

Hüseyn İbadlı