Avropa

Borrell Somalidəki terror aktlarını pislədi

31 Oktyabr 2022 05:45

Avropa İttifaqı “Əş-Şəbab” terror qruplaşmasının Somalinin paytaxtı Moqadişuda ötən şənbə günü törətdiyi son terror aktlarını kəskin şəkildə pisləyir.

Publika.az xəbər verir ki, bu barədə bazar günü Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel deyib.

"Qadınlar və uşaqlar da daxil olmaqla günahsız mülki şəxslərə qarşı edilən bu mənasız hücumlar bizə bu qruplaşmanın öz xalqına qarşı vəhşiliyini xatırladır və əsl niyyətlərini ortaya qoyur", - deyə J.Borrelin açıqlamasında deyilir.

Xatırladaq ki, şənbə günü səhər saatlarında Somalinin paytaxtı Moqadişo şəhərində Təhsil Nazirliyinin binasının qarşısında partlayıcı maddə ilə doldurulmuş iki avtomobil partladılıb. Hadisə nəticəsində 104 nəfər həlak olub, 269 nəfər isə xəsarət alıb.

Teqlər Jozep Borrell