Borrell: "Ukrayna müharibəsi bankları faiz dərəcələrini artırmağa məcbur etdi"

Avropa İttifaqının xarici siyasət və təhlükəsizlik məsələləri üzrə ali nümayəndəsi Cozef Borrell bildirib ki, o, Ukraynadakı münaqişəni üçüncü dünya müharibəsi hesab etmir.

Publika.az RİA Novostiyə istinadən xəbər verir ki, Borrell Ukraynadakı münaqişəni üçüncü dünya müharibəsi hesab etməkdən imtina edib və onun qloballaşdığını vurğulayıb.

“Bu, işğalçı müharibədir, üçüncü dünya müharibəsi deyil. Bu müharibə həddən artıq qloballaşır”, - o, mətbuat konfransında deyib.

Avrodiplomatiyanın rəhbəri Rusiyaya Koreya Xalq Demokratik Respublikası və İrandan silah tədarük edildiyini də açıqlayıb. O, Qərbin bu işə qarışdığını və bütün ölkələrin təsirləndiyini vurğulayıb. Onun sözlərinə görə, enerji və ərzaq qiymətlərinin yüksək olması yüksək inflyasiyaya səbəb olub. Belə göstəricilər bankları faiz dərəcələrini artırmağa məcbur edib ki, bu da iqtisadiyyatı ləngidir.

“Bu müharibə mənə təsir etmir, çünki mən planetin başqa yerindəyəm. Bu, qlobal iqtisadiyyata təsir edir”, - Borrell yekunda qeyd edib.

Aytən Məftun