Avropa

Dəhşətli qəza ilə bağlı ŞOK ETİRAF: "Qatarları eyni relslə göndərdim"

1 Mart 2023 22:26

Yunanıstanın Larisa şəhərində qatar stansiyasının rəisi 36 nəfərin ölümü ilə nəticələnən qatar toqquşmasında günahını etiraf edib.

Publika.az xəbər verir ki, bu barədə ERT-1 telekanalı məlumat yayıb.

"Mən səhv etdim və sərnişin qatarını Katerinidən gələn yük qatarı ilə eyni relslə göndərdim", - stansiya rəisi deyib.

Əvvəllər media onun günahı rədd etdiyini yazmışdı. Həmin şəxs qarşıdan gələn qatarları müxtəlif relslərə göndərmək üçün avtomatlaşdırılmış sistemin düyməsini basdığını, lakin bunun işləmədiyini bildirib. Eyni zamanda bəzi əməkdaşlar qeyd ediblər ki, rəis qatarın düzgün yolla gedib-gəlmədiyini şəxsən yoxlamalı olub, lakin bu edilməyib.

İnsanların ölümü ilə nəticələnən daşınma təhlükəsizliyini pozduğuna görə rəis barəsində cinayət işi başlanıb. Onu 10 il ömürlük həbs cəzası gözləyir.

Hüseyn İbadlı