Avropa

Zelenski Baxmutla bağlı Zalujnıya TAPŞIRIQ VERDİ

7 Mart 2023 02:42

Ukrayna Prezidenti Volodimir Zelenski Ali Baş Komandanın Qərargahının iclası zamanı Baxmutun müdafiəsini gücləndirməyi və taktiki mühasirəyə düşən Ukrayna hərbçilərinə kömək etməyi tapşırıb.

Bu barədə Publika.az Ukrayna KİV-nə istinadla xəbər verir.

"Bu gün mən birbaşa komandir Sırskidən və Ali Baş Komandan Zalujnıdan Baxmut istiqamətində gələcək müdafiə əməliyyatını necə gördüklərini soruşdum. Geri çəkilməyə dəyərmi, yoxsa müdafiəni gücləndirmək lazımdır. Hər iki general cavab verdi: "Geri çəkilməyək və güclənək"", - Zelenski bildirib.

Onun sözlərinə görə, Ukrayna komandanlığı şəhərin müdafiəsi ilə bağlı qərarı yekdilliklə qəbul edib. Zelenski Ali Baş Komandan Valeri Zalujnıya Ukrayna hərbçilərinə Baxmutun müdafiəsini saxlamağa kömək edəcək müvafiq ehtiyatları tapmağı tapşırıb.

Hüseyn İbadlı