Avropa

Bu ölkədə "makaron tətili" gözlənilir

15 May 2023 13:13

İtaliyada makaron məhsullarının bahalaşması bütün ölkədə tətillərə səbəb ola bilər.

Publika.az xəbər verir ki, bu barədə “İl Messaggero” qəzeti yazır.

Qeyd olunur ki, İtaliya İstehlakçılar Assosiasiyası bu faktla bağlı audit yoxlamasını tələb edir və ölkə sakinləri makaron məhsullarının əsassız qiymət artımına görə mümkün “makaron tətili” elan etməyi planlaşdırır.

Nəşrin məlumatına görə, İstehlakçılar Cəmiyyəti artıq antiinhisar qurumuna şikayət edib və analoji müraciət Kənd Ərzaq Məhsulları Sahəsində Keyfiyyətin Mühafizəsi və Dələduzluğun Qarşısının Alınması üzrə Mərkəzi Müfəttişliyə də daxil olub. Qəzetdə qeyd edildiyi kimi, assosiasiya şikayətində makaron məmulatlarının pərakəndə satış qiymətlərindəki “anomal” dəyişiklikləri araşdırmağı və bir sıra pərakəndə satış şəbəkələrində qiymətlərin inflyasiyanı niyə iki dəfə artırdığını öyrənməyi tələb edir.

Nəşr aydınlaşdırıb ki, İtaliya İstehlakçılar Assosiasiyası yaxın gələcəkdə makaron məhsullarının qiymətləri aşağı düşməsə, insanların kütləvi şəkildə paketləri rəflərə qoyacaqları və bununla da ölkədə “makaron tətili”nə başlayacaqları ilə hədələyib. İtalyan istehsalçıları da öz növbəsində assosiasiyanın şikayətləri ilə razılaşmırlar.

Qəzetin yazdığına görə, onların bir qismi makaron məhsullarının qiymətinin artırılmasını haqlı saymaqla yanaşı, mallar mağaza rəflərinə qoyulana qədər tədarük zəncirlərinə diqqət yetirməyin və qiymətlərə nəzarət etməyin vacib olduğunu bildiriblər.

Ayşən