Rusiyanı vurmaq üçün Ukraynaya nə qədər ATACMS verilib? - RƏQƏMLƏR

Hazırda Ukraynada 50 ATACMS raketi var.

Publika.az xəbər verir ki, bu barədə "The Times" məlumat yayıb, lakin bu məlumatların rəsmi olmadığını açıqlayıb.

Qeyd edilib ki, ABŞ bu raketlərin sayı barədə rəsmi məlumatı açıqlamayıb.

Nəşrin məlumatına görə, Ukrayna silahlı qüvvələri ATACMS-i işə salmaq üçün kifayət qədər sayda HIMARS və MLRS M270 çoxsaylı buraxılış raket sistemlərinə malikdir.

Raketlərin məhdud təchizatı səbəbindən Ukrayna Silahlı Qüvvələrinin komandirlərindən hücumlar üçün hədəfləri diqqətlə seçmələri tələb olunacaq.

Rusiya Müdafiə Nazirliyinin məlumatına görə, noyabrın 18-də Ukrayna Silahlı Qüvvələri ilk dəfə ATACMS-dən istifadə edib. Bildirilib ki, ümumilikdə altı raket atılıb, onlardan beşi vurulub, biri isə zədələnərək Bryansk vilayətindəki hərbi obyektə düşüb və bu, yanğına səbəb olub. İdarədən verilən məlumata görə, xəsarət alan olmayıb.

"Reuters"in az öncə yaydığı məlumatda isə bildilib ki, Ukrayna Silahlı Qüvvələri Rusiyanın Bryansk vilayətindəki anbara səkkiz ATACMS ballistik raketi ilə zərbə endiriblər, Rusiyanın hava hücumundan müdafiə sistemləri yalnız ikisini ələ keçirə biliblər.

Bundan əvvəl “The New York Times” ABŞ-ın Ukraynanın Rusiya ərazisinə hücumlar üçün ATACMS-dan istifadəsinə razı olduğunu bildirsə də, bu məlumat Ağ Ev tərəfindən təsdiqlənməyib.

Rusiyanın xarici işlər naziri Sergey Lavrov qeyd edib ki, Ukrayna ordusunun bu raketlərdən istifadə etməsi münaqişəni gərginləşdirmək istəyindən xəbər verir.

Hüseyn İbadlı