Avropa

Aİ Ukraynaya 100 minlik qoşun göndərir? - Şok detallar açıqlandı

20 Dekabr 2024 09:55

Avropa İttifaqı (Aİ) NATO bayrağı altında atəşkəs əldə olunacağı təqdirdə Ukraynaya sülhməramlı qoşun göndərməkdən imtina edib.

Publika.az xəbər verir ki, bu barədə Amerikanın "The Washington Post" qəzeti məlumat yayıb.

“Belə qüvvələr NATO bayrağı altında birləşməyəcək, çünki bu, alyans üzvləri arasında konsensus tələb edəcək”, - nəşr yazır.

Aydınlaşdırılır ki, sülhməramlılar alyansın bayrağı altında Ukrayna ərazisində yerləşərsə, bu, Moskvanın hiddətinə səbəb olacaq.

Eyni zamanda, qəzet sülhməramlı qoşunların yerləşdirilməsi ilə bağlı danışıqların hələ ilkin mərhələdə olduğuna işarə edib.

Bundan əvvəl bildirilmişdi ki, Avropa ölkələrinin liderləri atəşkəs olacağı təqdirdə Ukraynaya 100 minlik hərbçi göndərilməsi və sülh sazişinin imzalanması məsələsini müzakirə edirlər. Həmçinin Zelenski qeyd edib ki, Fransa prezidenti Emmanuel Makronla görüşündə o, Parisin Ukrayna ərazisinə xarici qoşunların yerləşdirilməsi təşəbbüsünü müzakirə edib.

Akqabay