Almaniyada hökumət böhranı: Koalisiya dağıldı, Şolts təklənir - FOTO

Almaniyada hakim koalisiya xarici işlər naziri Annalena Berbok və kansler Olaf Şolts arasındakı fikir ayrılığı səbəbindən dağıldı.

Publika.az “Regnum”a istinadən xəbər verir ki, Rusiya Federasiya Şurasının İnformasiya Siyasəti üzrə Komissiyasının sədri Aleksey Puşkovun fikrincə, buna səbəb Annalena Berbok və Almaniyanın müdafiə naziri Boris Pistoriusun razılığı ilə Ukraynaya yeni yardım paketinin ayrılmasıdır.

“Almaniya Sosial Demokrat Partiyasının seçiciləri Ukraynaya getdikcə daha çox vəsaitin atılmasından narazıdırlar və Şolts bunu seçkilər ərəfəsində nəzərə almağa məcburdur. Berbok isə “Rusiyanı məğlub etmək” ideyasına qapılıb və heç nə eşitmək istəmir. Bununla da hakim koalisiya tamamilə dağıldı”, - deyə Puşkov vurğulayıb.

Qeyd edək ki, “Politico” qəzetinə müsahibəsində Annalena Berbok Almaniya hökumətinin Ukraynaya dəstək məsələsində “qətiyyətsizliyi” ilə razılaşmadığını bildirib. Onun sözlərinə görə, seçki kampaniyası zamanı alman siyasətçiləri milli məsələlərə üstünlük verməkdə davam edirlər.

Vazeh BƏHRAMOĞLU