Avropa

Kanada PUA istehsalı üçün Ukraynaya 500 milyon dollar ayırdı

24 Avqust 2025 20:36

Kanada PURL Təşəbbüsünə Qoşulmağa Hazırdır və Ukraynaya Amerika silahlarının alınması üçün 500 milyon dollar ayırıb.

Publika.az xəbər verir ki, bu barədə “Zerkalo Nedeli” məlumat yayıb.

Ukrayna Prezidenti Volodimir Zelenskinin sözlərinə görə, bu vəsait dronların istehsalına sərf olunacaq.

Kanadanın baş naziri Mark Karni birgə mətbuat konfransında bildirib ki, ölkə Ukrayna əsgərləri üçün hərbi texnika və təlim imkanları verməyə hazırdır. O, həmçinin təhlükəsizlik təminatları çərçivəsində Kanada qüvvələrinin Ukraynaya göndərilməsini istisna etməyib .

Bundan əvvəl Ukraynanın müdafiə naziri Denis Şmıxal bildirib ki, Kanada və Ukrayna Kiyevdə hərbi məhsulların birgə istehsalına dair saziş imzalayıblar Əldə edilmiş razılaşmalar texnologiya mübadiləsini asanlaşdıracaq və uzunmüddətli perspektivdə Ukrayna Silahlı Qüvvələrini müasir silah və hərbi texnika ilə təmin edəcək.

Hüseyn İbadlı