Avropa

PLANLAR POZULDU - Münaqişə tərəfləri görüşməyəcək

28 Avqust 2025 22:00

Rusiya və Ukrayna prezidentləri Vladimir Putin və Volodimir Zelenski arasında görüş baş tutmayacaq.

Publika.az AFP xəbər agentliyinə istinadla xəbər verir ki, bu barədə Almaniya kansleri Fridrix Merts məlumat verib.

“Zelenski və Putin arasında görüş olmayacaq,” - deyə o bildirib.

"Politico" qəzetinin yazdığına görə, Putinin Zelenski ilə görüşmək ehtimalı azdır, çünki bu, Ukrayna prezidentinə “siyasi legitimlik” qazandıra bilər. Bundan əlavə, Kremlin ABŞ Prezidenti Donald Tramp ilə əlaqə strategiyası da bu qərara təsir edir.

Donald Tramp isə bildirib ki, Putin və Zelenski arasında mümkün görüş nəticəsiz qala bilər. O etiraf edib ki, hər iki lider “bir-biri ilə yaxşı yola getmir”, lakin “tanqo oynamaq üçün iki nəfər lazımdır”.

Ukrayna Prezidentinin ofisinin rəhbəri isə Rusiya–ABŞ–Ukrayna sammitinin keçirilə biləcəyi mümkün məkanlar kimi Vatikanı, Cenevrəni, İstanbul və Səudiyyə Ərəbistanını qeyd edib.

Hüseyn İbadlı