İlk dəfə döyüşə qatıldılar: Sərhədi keçən pilotsuz təyyarələr vuruldu

Polşa Rusiyanın Ukraynada müxtəlif hədəflərə yönəlik həyata keçirdiyi hücumlar zamanı hava sahəsini dəfələrlə pozan bir neçə PUA-nı məhv etdiyini açıqlayıb.

Publika.az xəbər verir ki, Varşava bu hərəkəti hücum aktı kimi qiymətləndirərək qonşu ölkədə baş verən münaqişəyə ilk dəfə açıq müdaxilə edib.

Polşanın baş naziri Donald Tusk əməliyyatın davam etdiyini, NATO Baş katibi Mark Rutte ilə daimi əlaqə vəziyyətində olduqlarını bəyan edib

Böyük ehtiyat tədbirləri nəticəsində, ölkənin ən böyük hava limanı olan "Chopin" Hava Limanı müvəqqəti olaraq bağlanıb.

Polşa ordusu və müttəfiq qüvvələri radar vasitəsilə onlarca obyekti müşahidə edib və təhlükə potensialı olanları neytrallaşdırma qərarı verib. Xüsusilə, Podlaskie, Mazoveskoe və Lublin bölgələrində yaşayanlara “evdə qal” çağırışı edilib və bu hərəkətin vətəndaşlar üçün real təhdid olduğu vurğulanıb

Hadisədən sonra Polşa Milli Təhlükəsizlik Bürosunun iclasında ölkə prezidenti, baş nazir və nazirləri məsələni yaxından izlədiklərini bildiriliblər.