Kanslerdən gənc alman kişilərini qəzəbləndirəcək BƏYANAT

Almaniya kansleri Fridrix Merts ölkədə növbəti bir neçə il ərzində məcburi hərbi xidmətin bərpa olunma ehtimalını istisna etməyib.

Publika.az xəbər verir ki, bu barədə onun çıxışlarını yayımlayan "Phoenix" televiziya kanalı məlumat yayıb.

"Əgər əsgərlərin sayını lazım olduğu qədər tez artıra bilməsək, bu seçki dövründə yenə də, heç olmasa gənc kişilər üçün hərbi xidmətin məcburi elementlərini müzakirə etməli olacağıq", - Kansler bildirib.

O, Almaniya konstitusiyasında qadınların məcburi hərbi xidmət göstərməsinin nəzərdə tutulmadığını vurğulayıb. Buna görə də, Merts məcburi alternativ mülki xidmətin bərpasını dəstəklədiyini bildirib.

Noyabr ayında Xristian Demokrat İttifaqı/Xristian Sosial İttifaqı (CDU/CSU) və Almaniya Sosial Demokrat Partiyasının (SPD) parlament fraksiyaları püşkatma yolu ilə çağırışa əsaslanan yeni hərbi xidmət modelinin tətbiqini nəzərdə tutan qanun layihəsi üzərində razılığa gəliblər. Hərbi xidmətin inkişaf konsepsiyasının hazırlanması hərbi ekspertlərin tövsiyələrinə, eləcə də Almaniyanın Şimali Atlantika Alyansı qarşısındakı öhdəliklərinə əsaslanır.

Hüseyn İbadlı